Vawiin chawhnu dar 1:00 khan DC Conference Room, Saitualah District Bawrhsap Dr. Lalngura Tlau kaihhruainain District Level Monitoring…
Publish Date : 06/05/2025
Vawiin chawhnu dar 1:00 khan DC Conference Room, Saitualah District Bawrhsap Dr. Lalngura Tlau kaihhruainain District Level Monitoring and Implementation Committee an ṭhukhawm a, Saitual District Chhunga Primary Agricultural Credit Societies (PACS) computerised tur thlanna neih a ni.
He hunah hian Dr. Lalngura Tlau chuan thu sawiin, PACS chu thingtlang lama awmte tan a ṭhain a ṭangkai lehzual tih a sawi a, mi rinawm tan chuan sum mamawhna awlsam leh rang taka loan hmanga lak theihna a ni, a ti. Bawrhsap chuan PACS chu thawkrim leh taimate din chhuah nana sawrkar hmalakna ṭha tak a ni, a ti.
Vawiin DLMIC meeting-ah hian Lailak leh Sihfa PACS te chu computerised tura hmalak zui rem tih a ni a. Saitual District-ah hian PACS pahnih Khanpui leh Teikhang PACS te chu computerised tawh niin hman tan (go live) an ni tawh bawk.
Vawiin ṭhutkhawmah hian Dr. Lalngura Tlau DC, Pi Lalhmachhuani DDM, NABARD, Champhai, Pu Lalthangfala, DCO, Pu H.Lalhmangaihzuala, Manager, MCAB te an tel a ni.