Vawiin chawhma dar 11:00 khan DC Conference Hall, Saitualah Rural Development Minister Prof. Lalnilawma chuan CM Special Pakage hnuaia Bana Kaih progress partner te tana orientation training…

Vawiin chawhma dar 11:00 khan DC Conference Hall, Saitualah Rural Development Minister Prof. Lalnilawma chuan CM Special Pakage hnuaia Bana Kaih progress partner te tana orientation training buatsaihah khuallian niin hun a hmanpui a, certificate leh placard te a sem nghal bawk a ni.
Vawiin orientation training thawh khatna hi Pu Lalṭhakima Chhangte, SDO(S) in a kaihruai a, Saitual Bawrhsap Dr. Lalngura Tlau chuan inlawmna thu sawiin, Pi Christina Lalnunfeli chuan Bana Kaih scheme sawifiahna leh sawizauna hun a hmang a. Pu C.Christopher Lalhriatpuia, District Lead Resource Person, DIC, DRDO chuan ‘Introduction to Entrepreneurship & Basic Business management’ tih thupui hmangin mahni kutkawih eizawnna leh sumdawnna chungchang a sawi zau a, Pu PC Lallawmkima, Accounts Officer, DRDO chuan sum leh pai vawn ṭhat dan ‘Basic Bookeeping’ chungchangah zirtirna a pe bawk a ni.
Orientation thawh hnihnaah hian Saitual District-a department hrang hrang Agriculture, Horticulture, AH&Vety, Commerce & Industries, Sericulture, LRS&WC leh Fisheries hnuaia progress partner te chu an trait thlan ṭheuhah te technical training pek an ni a, intiamkamna an sign nghal bawk a ni. Training zawhah hian CM Special Pakage aṭanga sum fai (grant) te chu progress partner te Bank Account-ah thun nghal a ni.
Vawiin vek hian Aakansha Haat leh Sampoornata Abhiyan Samman Samaroh Programme Saitual Auditorium-a hman mek chu a tlawh nghal a ni.