Hmun pawimawh

1. LENGTENG TLANG:

Mizorama tlang sang ber dawttu Lengteng talng hi Lamzawl ram chhunga awm a ni a, a tlang chip hi Lamzawl atanga khawchhak lam kea darker 4 kal vel a ni a, Lengteng Wildlife Sanctuary chhungah a sang lai ber hi a awm a, chhun pachangah pawh ngawpui hnuaiah hian dai a tla sung sung reng a, Phar (Mau chi khat) a tam em em mai a ni. Lengteng tlang chip hi 2141 m (7024 ft.)-a sang ni in ditrict capital Saitual atangin km 68 vela hla a ni.

            Lengteng tlangah hian Thereng a tam em em a. Thereng tih chu Dapzar (Paite) tawngin ‘Lengthe’ tih a ni a. ‘Lengthe Tlang’ an ti thin a, hun a lo kal zel a, ‘Lengteng Tlang’ tih a lo ni ta a ni. Lengteng Tlang hi Mizoram tlang zawng zawnga vawt bera ngaih a ni a, fanghmir leh those awm lohna a ni. Mizoram tlang dangte ang lo takin phul hmun a awm ve lo.

2. SURTLANG:

He tlang hi Teikhang ram chhung Sialkal tlang dunga awm a ni a, Mizoram tlang sang zingah lang phak niin 1967 m (6453 ft.) laia sang a ni a, district capital Saitual atangin km 114 vela hla a ni. Tlang sang tak mai, fur lai phei chuan chhumin a bawh luk thin, hmun danga ruah a sur loh lai pawha a sur reng thinna hmun a nih avangin ‘Surtlang’ tih a ni, He tlang dunga lo cheng hmasa Thahdo ho hming phuah nia sawi a ni bawk.

3. TAWI TLANG:

Tawi Tlang hi Tawizo khuaa awm ni in, tlang hlawm lian tak a ni a, a pang perah hian khua eng emaw zat a awm hlawm a, 1837 m (6027 ft.) laia sang a ni a, district capital Saitual atangin km 26 a hla a ni. Tawi tlang hi tlang chhip zum a ni lova tlang chung zawl bial deuh mut, ral atang chuan lang Tawi deuh luih a nih avangin ‘Tawi Tlang’ an lo ti a ni. A chereu mai loh nan Forest Wildlife lamten Wildlife Sanctuary-ah a tlang hlawm zau tak an humhalh a, ramsa leh sava chi hrang hrang hmuh tur an la awm.

4. MAWMRANG TLANG:

Mawmrang Tlang hi Pawlrang atanga hla lo te khawthlang lama awm a ni a, Mizoram tlang sang 11-na a ni a, 1812 m (5945 ft.) laia sang a ni. District capital Saitual atang hian km 44-a hla a ni. Mawmrang tlang hian kham sang leh ramg mawi tak mai a nei a, a ropuiin thlir a manhla hle a, khama cheng chi ramsa leh sava chi hrang hrangten chenna leh bu khuar nan an hmang a, kham karah hian puk pawh tam tak a awm thin a ni awm e.

            Zanah te hian ral atanga thlira lang thei turin Tau meichher chhi an kal thluai thluai thin a, Kristiannain Ramhuaite zawi zawia a um bo tak avangin hengte hi hmuh tur an awm ngai ta lo a ni. He tlangah hian Maimawm chi khat danglam tak, rang ruk mai, zoram hmun danga awm ve ngai lo a awm a. Chu mi hming chawi chuan “Mawmrang Tlang” an ti a ni awm e.

5. NAUZAURZO:

Nauzuarzo Tlang hi Kawlbem khua Sialkal tlang dunga awm niin Mizorama tlang sang zingah pawh a lang phak ve a, 2130 m (6988 ft.) laia sang a ni. District capital Saitual atangin km 100-a hla a ni. Lengteng Wildlife Sanctuary chhungah awmin ngaw dur chhah takin a tuam a, a chhuah lam pangah kham sang takin a hual vel a, ngaw chhung atanga lui lian ve deuh pakhat lo luang chhuak chu he kham sang laiah hian a khawh thla a, fur ruah tui tam lai phri chuan an hmuhnawm tham thin hle a ni.

            A tlang hming lo chhhuahna nia an sawi chu, a kham chung zawlah hian tun hmain mihring an lo cheng thin a, vawi khat chu naute pakhat kham lam hawiin a vak thla a, an um dawn chuan a hlim lutuk khamah a vak liam ang tih an hlau si a, naute lawm tur bur thinrik an siam a, an han thin rik chuan naute chu a rawn vak let leh ta a ni an ti. Chuta tang chuan helai kham hi “Nauzuar kham” an ti; a hual veltu zo ngawdur tha tak mai chu “Nauzuar Zo” an ti ta a ni.