Chhuahvahna

1. BAK PUK:

Bak Puk hi Pawlrang khua atanga km-3 a awm ani a, puk ropui leh dangdai tak a ni a, puk dang ang lo takin mual rai leh ram rem laiah Sazu kua ang main, lei chhung lut zawngin puk pathum ngawt mai kaw zau takin a lut a, a puk kawngka hi 9 ft. laia zau a ni. A puk thuk zawng hi 150 m laia thuk a ni a, heng puk pathum te hi chhung lamah zau takin a inkalpawh theih vek a, kaw kel tam tak a nei bawk a ni. A chhungah hian Bak a tam thei em em a, Adventure club-te pawhin an tlawh nasat ber pawl a ni. Pawlrang branch YMA chuan an humhalh a, a enkawl reng bawk a ni.

2. PASALTHA LIANHLEIA PUK:

Pasaltha Lianhleia hi sakap thei hmingthang Lasi zawl tia hrait lar a ni a. He puk hi Lengteng tlangdung khawhthla, Sialkal tlang dung sang laia awm a ni a, tlang bulthut atanga thlir chuan tlang chip pang per a awm angina a lang a, he hmunah hian Pasaltha Lianhleia chu a Lasi zawlnu nen an awm bawk a. Lianhleia puk hi a thuk vak lova, a sei zawng erawh hi chu patling hlam 100 zeta thui a ni a, Lamzawl atang pawhin he puk hi a hmuh theih a, khawthlirna hmun nuam tak a ni bawk.

3. FANGFAR PUK:

Fangfar puk hi Chiahpui khua atanga 5 km vel chauha hla, hmar lam Manipur leh Mizoram inrina |iau lui kam, Mizoram lama awm a ni a. Puk zau leh nuam tak 360 ft-a thuk leh 70 ft-a zau a ni a. Puk dar deuh huau mai, a chhuat zawl duai a ni a, a awmna lai hi kham kar a ni a, luhna khan hnih chauh a nei a, Mizorama puk zau leh nuam ber a ni hial awm e.

4. TAWNGTAINA PUK:

He puk hi Vanbawng khua atanga hnaitea awm a ni a, Kristian hmasa te kha he hmunah hian Pathian pawla tawngtaina nei turin an kal thin a; an tawngtaina puk a nih avangin ‘Tawngtaina Puk’ tih a lo ni ta zel a ni. He hmun hi tlawh manhla tak a ni ve awm e, a puk thuk zawng hi luh chhuah vek theih a nih loh avangin eng tianga thuk nge a hriat theih loh a ni.