Thlen dan tur

Saitual hi Aizawl atangin km 73 vel a ni a, NH6 lam kawng zawh a kal tur a ni. Taxi-te te leh mahni mimal lirthei pawn engtik lai pawn a kal theih a. Mahni lirthei nei remchang lo tan engtik lai pawn Aizawl atanga Saitual kal Sumo (Maxi Cab) service a awm reng a ni. Heng Sumo (Maxi Cab) te hi Thawhtan (Monday) atanga Inrinni (Saturday) chhungin an tlan (service) reng a ni.

Thlawhna In

State dang atang leh ram dang atanga Thlawhna (Flight) a lo kal tur tan chuan Mizoram in Airport kan neih chhun Lengpui Airport-ah tumin Lengpui Airport atang hian Aizawl ah chho in, Aizawl atang hian Saitual hi kawng nuam leh thengthaw tha tak, tlang ram mawi tak, romeiin tlang tin a bawh pwa chiai rawn thlir chhoh paha kal mai theih a ni. Lengpui Airport atanga Saitual hi km 102 bawr vel a ni.

Kalkawng Pangngai In

Saitual hi Mizoram capital Aizawl atangin darkar hnih atanga darkar thum (2-3 hours) vel kal a ni a, Mizoram hmarchhaka awm ni in, hmar lamah Manipur State nen ramri an inawm bakah Myanmar nen International Boundary (ramri) an intawm bawk a ni. Driver thiam leh experience ngah tak te khalh Sumo services a awm reng a, Sumo te hi Dawrpui Multi Purpose Hall hnuaiah ding in heng hmang hian engtik lai pawn Saitual khua hi a tlawh theih reng a ni.

Sumo Counter

Name	Contact
Ṭhaengi Sumo Counter	8787750476
Pi Sangpuii Sumo Counter	8575181348