Vawiin chawhma dar 11:00 khan NITI Ayog hnuaia Aspirational Block te hmasawnna tura inelna ‘Sampoornata Abhiyan-a’ Ngopa Block aṭanga…

Vawiin chawhma dar 11:00 khan NITI Ayog hnuaia Aspirational Block te hmasawnna tura inelna ‘Sampoornata Abhiyan-a’ Ngopa Block aṭanga hnathawk ṭhate lawmpuina hun ‘Sampoornata Abhiyan Samman Samaroh’ chu Saitual Auditorium-ah neih a ni a. He hunah hian Commerce & Industries changtu Minister Pu F.Rodingliana chu khuallian niin hun a hmanpui a, lawmpuina a hlan nghal bawk.
Sampoornata Abhiyan Samman Samaroh-ah hian Minister Pu F.Rodingliana chuan thu a sawi a, Saitual Bawrhsap Dr. Lalngura Tlau chuan inlawmna thu sawiin, Pi Dorothy Muansangi, SDO(C) & BDO, Ngopa hnen aṭanga report kimchang ngaihthlak a ni bawk. Pi Christina Lalnunfeli, SDC chuan lawmthu sawinain hun a khar a ni.
Chawhma inkhawm zawhah ni thum chhung – 28th July aṭanga 30th July thleng awh tur tualchhung kutkawih phochhuahna exhibition ‘Aakansha Haat’ neih chhunzawm a ni a, Self Help Group te leh tualchhung mi ten an thil siam te chu mipui lei theih turin an pho chhuak a ni. Hei bakah hian DC Office aṭang Aadhaar Address update, Income, Residential, Tribal Certificate, etc te a thlawnin a siamtir theih a, Helath Department aṭang BP leh Blood Sugar te a thlawnin a check tir theih bawk a ni.