District chanchin

Saitual District hi June ni 3, 2019 khan Mizoram Sorkar chuan a din a, Mizoram district 11 zinga pakhat a ni. He district hi hemi hmaa district lo awm sa—Aizawl leh Champhai district-te atanga lak chhuah (mapped out) a ni a. Saitual District inrelbawlna hian Civil Sub-Division pahnih—Saitual leh Ngopa a huam a, chumi hnuai chu Development Block pahnih—Phullen leh Ngopa-ah te then leh a ni.

Saitual District inrelbawlna hi Deputy Commissioner (DC) hovin kalpui a ni a. Tun dinhmunah hian Deputy Commissioner Office telin, District/Sub-Division/Circle level office hrang hrang sawmhnih panga (25) zet he district chhungah hian a awm tawh a ni.

Saitual Sadar Sub-Division Huama Khuate

Ngopa Civil Sub-Division Huama Khuate

Saitual District hi Latitude 23°41’20.18″N leh Longitude 92°57’49.71″E-ah a awm a. Mizoram hmar lampangah awmin, a piah lawka district dang pahnih—Champhai leh Aizawl district-te nen an inri a ni. He district hmelhmang tlangpui chu tlang liam thluah tak tak te, ramngaw pik tak te, leh lui leh hnar hrang hrang ram hmelhmang tichat thluah tura luang kawi nguiaite hian a hrilhfiah ber a.He district hi “subtropical climate” hmun a ni a, thlasik laiin khua a vawm tawk chauh a, nipui lai pawhin khua a nuam tawk hle thin. A ram hmulho pawh a hring dup reng a, thing hnah tla chi leh hnah hlai chi ramngawte hian nasa takin hmun a luah a, he lai hmun hi thilnung leh nungcha ngaina tute leh tlang lawn mi (trekkers) te tan hmun remchang tak a ni.

Saitual district zia (cultural significance) hrilhfiah bertu pakhat chu NGO hrang hrang leh tualchhung in-awpna pawl, “Village Council” (VC) kan tih mai te hi an ni. He’ng pawl leh council-te hian khawtlanga remna leh muanna vawn nun nan leh district in-awpna (administration) kalpui nan hna pawimawh tak an thawk a. Hei bakah hian kan hnam zia leh thlarau (cultural heritage) vawng nungtu leh kan pi leh pu atanga kan lo neih tawh thin hnam hrang hrang leh nunphung vawng nungtu an ni bawk.